Community Based Coastal Resource Management (CBCRM) Cup long Nakere Saot Santo hemi kam long
end blong hem yestede.
Wan wik tunamen ya i lukim long yestede stret long Najingo Park, East Malo hemi kam blong ronwe
wetem CBCRM Cup, afta we oli bin winim West Malo long wan sko blong 3-2.
Maj ia i lukim tugeta tim i bin go kasem ekstra taem mo East Malo nao hemi kam blong winim grand
faenol ya.
Tugeta saed i bin lukim wan pleia oli bin sendem aot long fil wetem red kad, be hemia i no stoppem maj
ya blong go kasem end blong hem.
"Mesej blong tunamen ya hemi futbol fil hemi olsem tabu area long solwota, rafri mo olgeta assitan
hemi olsem ofisa blo fisheries we i lukaotem ol risos, FIFA law blo gem hemi olsem olgeta fisheries
regulesen we i protektem olgeta risos mo olgeta pleia i olsem olgeta fishaman long olgeta tabu eria," Dr
Akiya Seko we hemi tim lida blong Grace of the Sea Project, i talem.
"CBCRM cup initiative hemi olsem wan tool blong promotion blong fisheries resources management.
Community paricipation hemi wan challenge long saed blong fisheries management mo development
therefore blong yumi gat wan effective management mo development program yumi mas engagem
more youth participate blong yumi save achieve ol goals mo objectives blong CBCRM.
"Football hemi wan important tools blong engagem youth blong promotion blong fisheries resources
management blong strength resources management mo ownership.
Tingting blong futbol rul hemi wan efektif instrument blong ol players oli respectem mo self discipline
olsem we yumi wantem transfer similar scenario iko lo tabu eria management under community
governance. CBCRM hemi promotem bottom up approach we community hemi mas tekem ownership
mo leadership long support ol formal management frame work under long Vanuatu Fisheries
Department (VFD) regulations," Maneja blong Development long VFD, George Amos i talem.
Tunamen ya hemi posibol nomo thru lo sapot blo JICA Grace of the Sea Project, VFD mo Saot Santo
komiuniti.
Nekis yia i gat posibiliti blong wan nara provins i hostem.
